ILOILO CITY-Ginpaimbestigaran ni Iloilo City Mayor Jerry Treñas ang 180 ka mga peke nga kasal nga nakita sa records sang Local Civil Registrar.
Suno kay Mayor Treñas, ginpasa na sang City Legal Office ang nasambit nga listahan sang mga peke nga kasal sa National Bureau of Investigation (NBI) agud nga sila na ang magpatigayon sang imbestigasyon tuhoy diri.
Dugang pa sang alkalde, ginkakibot man sini sang natukiban nga may yara sang mga peke nga kasal sa Local Civil Registrar apang kun ano man ang mangin resulta sang imbestigasyon sang NBI, wala na sila sang sarang mahimo.
