Nagsaka pa sa 20,403 ka mga indibidwal ukon 4,602 ka mga pamilya sa Western Visayas ang apektado sang Bagyo Kristine.
Base sa data sang Office of the Civil Defense (OCD) 6, may yara sang 15,289 ka mga indibidwal sa Aklan; 3,286 sa Negros Occidental; 1,190 sa Capiz; kag 638 naman sa Iloilo.
283 ka mga pamilya ukon 863 ka mga indibidwal ang yara sa sulod sang mga evacuation centers.
Kaangot sini, nagpahanumdom man ang opisina nga mangin alerto kag gilayon nga mag-evacuate kung may mga pagbaha na sa lugar.
