ILOILO CITY – I-assign sa Negros Island Region (NIR) ang 25% sang mga personnel sang Police Regional Office 6.
Suno kay Police Regional Office 6 Director Police Brigadier General Jack Wanky, kalakip sa nasambit nga mga personnel amo ang yara subong nagaserbisyo sa Negros Occidental Police Provincial Office kag Bacolod City Police Office.
Pahayag ni Wanky, kapin 3,250 ukon 25 percent sang 13,000 nga pwersa sang regional office ang i-assign sa Negros Island Region.
Matandaan nga sang Hunyo 13, ginpirmahan ni President Ferdinand R. Marcos Jr. ang Republic Act 12000 ukon Negros Island Region Act.
Sang 2015 sang gintukod ang NIR paagi sa Executive Order 183 ni anay Presidente Benigno Aquino III apang ginbawi ini ni anay President Rodrigo Duterte paagi sa EO 38 sang 2017.
