ILOILO CITY- Ginpanginwala sang punong barangay sang Brgy Ed Ganzon, Iloilo City Proper nga residente sang ila lugar ang mga commercial sex workers nga gindakop bangud sa paglapas sa health protocol sang damlag lang.
Sa interview sang Bombo Radyo kay Punong Barangay Joe Juayang Jr., iya ginpahayag nga nagasayo lang sa lugar partikular sa dalan Ledesma nga sakop sang Brgy. Ed Ganzon ang nasambit nga commercial sex workers.
Suno kay Juayang, ginasaway man ang mga ini sang mga tanod sa barangay.
Gintuad man sang opisyal nga modus man sang mga commercial sex workers nga kawatan ang ila mga customers kag kahimbon man ang ila mga bana nga nagapanghold-up sa mga customers.
Nagpamalibad naman ang natungdan nga tumoron kon sa ano nga barangay nagaistar ang nasambit nga sex workers.
