Kapin 400 ka mga suldado gikan sa Panay, ipadala para mag-augment sa Marawi

ILOILO CITY – Magabiyahe na buwas sa aga padulong sa siyudad sang Marawi ang bug-os nga puwersa sang 82nd Infantry Batallion sang Philippine Army nga nakabase sa Camp Monte Claro sa Barangay Igtuba, Miag-ao, Iloilo.
Suno kay Col. Arnel Cabugon, spokesman sang 3rd Infantry Division sang Philippine Army, indi magnubo sa 400 ang tropa nga ipadala sa Marawi.
Magaserbe ang mga ini nga augmentation force sa clearing operation nga ginapatuman sang militar sa siyudad sang Marawi.
Pagabuslan naman sang 33rd Division Reconaissance Company ang puwersa sang militar diri sa Iloilo.