Kapin sa 467,000 ka mga salakyan ang nadugang sa mga dalan sang Pilipinas sang 2024 nga ang sales growth ginalauman nga mapadayon subong nga tuig.
Suno sa Chamber of Automotive Manufacturers of the Philippines Inc. (CAMPI) kag sang Truck Manufacturers Association (TMA), may 467,252 ka mga units nga nabaligya sang 2024 nga nagapakita sang 8.7% nga pagtaas gikan sa 429,807 ka mga units nga nabaligya sang 2023.
Samtang ang commercial vehicles ang nagbug-os sang 74.15% sang merkado nga may 346,482 ka units, samtang ang mga depampasahero nga salakyan nagbug-os sang 25.85% nga may 120,770 ka units.
Ini bangud may 42,044 ka mga units nga nabaligya sang Disyembre nga nagamarka sang 2.8% nga growth gikan sa 40,898 ka mga units nga nabaligya sang Nobyembre, kag 7.4% nga mas mataas kon ipaanggid sa 39,153 ka mga units nga nabaligya sang Disyembre 2023.
