Naglab-ot sa kapin 50 ang nadakpan nga drivers nga nagagamit sang modified mufflers sa syudad sang Iloilo.
Sa interview sang Bombo Radyo kay Police Lt. Col. Marlon Valencia, pinuno sang Traffic Enforcement Unit sang Iloilo City Police Office (ICPO), iya ginpahayag nga magluwas sa mga nagagamit sang mufflers kag naga-revolution sa dalanon, nalakip sa ila mga gindakop ang mga motorista nga may iban pa nga bayolasyon.
Suno kay Valencia, gilayon nila nga ginakumpiska ang mga mufflers nga ila nakuha sa mga nadakpan nga drivers.
Ginkustodiya sang Mobile Patrol Unit sang ICPO ang mga driver nga nadakpan.
Nagpasalig naman ang pulis sang asod-asod nga random operation agud madakpan ang drivers nga nagagamit sang modified muffler nga amo ang nagatuga sang noise pollution.
Matandaan nga nagpasar ang syudad sang Iloilo sang Anti Modified Muffler Ordinance para sa mga public kag private vehicles nga nagapakadto-pakari kag nagatuga sang tuman ka gahod nga tunog sa mga dalanon.
