Ginkumpirma ni Education Secretary Sonny Angara nga kapin 50 ka mga alkalde ang nagboluntaryo nga magpatukod sang hulot-klasehan sa ila nga mga lugar.
Angot ini sa programa sang Department of Education (DepEd) nga nagapahanugot sa mga local government units (LGUs) nga magpatindog sang mga classrooms.
Suno kay Angara, pila sa mga ginatumod nga alkalde amo sanday Mayor Benjie Magalong sang Baguio City, Mayor Joy Belmonte sang Quezon City, Mayor Vico Sotto sang Pasig City, Mayor Dada Hataman sang Isabela, Basilan, kag madamo nga iban pa.
Nahibaluan nga ang Department of Public Works and Highways (DPWH) lamang ang nagapatindog sang mga classrooms apang sa idalom sang bag-o nga programa, tugutan na ang mga LGUs nga magbulig diri.
Gin-ako naman ni Angara nga naglala ang problema sang pungsod sa kakulangan sang classrooms bangud sa mga daan nga school buildings, nga kalabanan ag napatukod sang panahon pa ni anay Presidente Ferdinand Marcos Sr..
Ginatun-an naman subong sang DepEd ang posibilidad nga magsulod sa public-private partnerships (PPP) agud padasigon ang pagtukod sang mga hulot-klasehan.
