ILOILO CITY – Nagpakigbahin ang kapin 50 ka mga botante sa syudad sang Iloilo sa Local Absentee Voting sang Commission on Elections (COMELEC).
Suno kay Mr. Jonathan Sayno, Election Assistant 2 sang City COMELEC, sa 43 ka mga nagboto, kalabanan amo ang mga katapo sang Philippine National Police (PNP) sa diin 22 ang gikan sa Police Regional Office (PRO) 6; pito sa Iloilo City Police Office (ICPO); samtang 14 naman ang gikan sa Philippine Army.
Ginpahayag ni Sayno nga nangin matalunsay ang proseso sang pagboto sang mga local absentee voters sa diin ila ginboto ang mga kandidato sa national positions kaangay sang senador kag partylist.
Nahibaluan nga nagsugod ang absentee voting sa pila ka opisina sang gobyerno sang Abril 29.
