ILOILO CITY– Kapin sa 5,000 ka bills sang Panay Electric Company ang gindeliver sang Iloilo City Post Office sa mga customers sa syudad sang Iloilo.
Sa interview sang Bombo Radyo kay Mr. Rolly Mamon, post master sang Iloilo City Post Office, iya ginpahayag nga 4, 223 ka bills ang na deliver samtang 700 naman ang wala na deliver.
Ang pinakadako nga delivery suno kay Mamon amo ang sa bahin sang Jaro nga nagdangat sa 2,918 samtang 400 ang wala na deliver.
Sa La Paz , 1,081 ang na deliver kag 170 ang wala, sa bahin sang Mandurriao, 103 ang na deliver samtang 43 ang wala, sa Arevalo, may yara sang 72 ka mga bills nga na deliver samtang 43 ang wala na deliver kag sa City Proper naman, 49 ang na deliver samtang 30 ang wala.
Pahayag ni Mamon nga ginahatag sa ila sang Panay Electric Company ang bill, 10 ka adlaw antes ang deadline.
May pila naman ka mga tion suno kay Mamon nga indi nila gilayun mahatag ang bills bangud sa pila ka mga rason nga ginalakipan sang indi kumpleto nga address, wala naislan ang narehistro nga pangalan ukon nagsaylo sa iban nga lugar ang nagapanag-iya sang balay.
Mas madamo man suno sa iya ang ginadeliver nga bills sang mga private courier.
