Gin-raid sang Leon Municipal Police Station ang isa ka ‘improvised’ nga bulangan sa Barangay Malublub, Leon, Iloilo.
Sa interview sang Bombo Radyo kay PLt. Melchor Tolentina, hepe sang Leon Municipal Police Station , iya ginpahayag nga gilayon nga ginpadulungan sang mga pulis ang lugar kag nakumpirma nga may ara sang ginapatigayon nga bulang.
Apang madasig nga nakapalagyo ang ginabanta 60 ka mga tawo nga yara sa bulangan sang nakit-an ang mga pulis nga nagapadulong.
Narekober sa lugar ang 27 ka mga manok ang ginpangbulang, 29 ka mga bayong kag 22 ka mga motorsiklo.
Nagpaandam ang hepe nga indi mag-untat ang mga kapulisan sa pagpatigayonsang raid tubtub indi maubos dakop ang mga nagapatigayon sang iligal nga pabulang sa nasambit nga banwa.
