Masobra sa 60 ang patay kag kapin 50 ang pilason matapos nasunog ang isa ka ski resort hotel sa northwestern Turkey.
Suno sa Interior Minister sang Turkey, natabo ang trahedya sa Kartalkaya resort sa Bolu province.
Ang iban nga mga tawo ang napilitan nga maglumpat sa bintana sang 12 ka panalgan nga hotel agud makaluwas.
Ginpahayag nga wala man sang fire extinguishers sa hotel.
Ang resort isa ka popular nga destinasyon para sa mga holiday-makers sa tion sang winter, ilabi na kun school holidays, humalin Enero tubtob Pebrero.
Kalabanan sa mga tawo sa hotel ang halin sa Istanbul kag Ankara.
Ginabanta nga yara sa 234 guests ang nagatinir sa hotel sang natabo ang sunog.
Indi magnubo sa 30 ka mga fire trucks kag 28 ka ambulansiya ang nagresponde sa nasunog nga hotel.
