ILOILO CITY – Nagdangat sa halos 800 tanan ka vote counting machines (VCMs) ang nakita nga depektibo sa ginpatigayon nga final testing and sealing.
Suno sa Commission on Elections (COMELEC), nagdangat sa kabilugan 790 ka mga VCMs ang nakita nga depektibo.
Ini ang 1% gid lamang sang kabilugan nga numero sang VCMs.
Apang, kahapon, nagdangat sa 233 ka VCMs ang natigayon nga maislan sang poll body.
Nagdangat naman sa 143 ka mga SD cards ang depektibo kag 107 ang natigayon na nga maislan.
Ang final testing and sealing ang ginsuguran sang Mayo 2 kag nagtapos kahapon nga adlaw.
Samtang, suno naman kay COMELEC spokesperson John Rex Laudiangco, ang mga balota nga indi magamit bwas nga adlaw ang gilayon nga gisi-on sang electoral board bilang kabahin sang procedure pagkatapos sang binotohay.
