ILOILO CITY – Kinahanglan nga ibalik ang kapin sa P2 million nga social pension nga ginpanghatag sang City Social Welfare and Development Office (CSWDO) sa mga indi kwalipikado nga senior citizen sa syudad sang Iloilo.
Sa interview sang Bombo Radyo kay May Castillo, tagpamaba sang Department of Social Welfare and Development (DSWD) 6, iya ginpahayag nga ang 420 ka non-eligible social pensioner ang kinahanglan nga magbalik sang ila nabaton nga ayuda nga nagabalor sang P1,500 tubtub P4,500.
Ginpahayag ni Castillo nga ang pagbalik sa P1.8 million ang kinahanglan nga tumanon sang CSWDO bilang pagsunod sa mandu sang Commission on Audit (COA).
Bangud sini, magapatigayon sang re-validation ang DSWD sa tanan nga listahan sang social pensior sa rehiyon agud nga matumod ang kwalipikado kag ang indi kwalipikado nga makabaton sang ayuda.
Sa pagkamatuod suno sa natungdan, indi lamang ang CSWDO ang nagapatigayon sang screening kag validation kundi nagabulig man ang mga concerned government agencies.
Pila lamang sa mga requirement agud nga makabaton sang social pension amo ang mga pigado kag ang mga wala sang may ginabaton nga pension
