BAROTAC, NUEVO, ILOILO – Nagdangat sa kapin P2 million nga balor sang iligal nga droga ang nakuha sa isa ka durugista sa drug buy bust operation sa Barangay Lico-an, Barotac Nuevo, Iloilo.
Ini amo si Alyas Risa, 38, manugbaligya sang kakanin kag residente sang nasambit nga lugar.
Nakuha sa posisyon sini ang 265 grams sang shabu balor P1.8 million pesos.
Sa interview sang Bombo Radyo kay Police Captain Ryan Christ Inot, team leader sang Regional Police Drug Enforcement Unit sang Police Regional Office 6, iya ginpahayag nga masobra duha ka semana nila nga ginbantayan ang nasambit nga subject.
Suno kay Inot, ang supplier sang subject amo ang iya boyfriend nga isa ka preso.
Ini apisar nga may yara ini sang kaugalingon nga bana nga nagatrabaho sa luwas sang pungsod.
Sa subong, preso na ini sa Barotac Nuevo Municipal Police Station kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
