ILOILO CITY – Naglab-ot sa 143 ka panibag-o nga kaso sang COVID-19 ang na record sa Western Visayas.
As of October 29, nagsaka na sa 16,480 ang total COVID-19 cases sa bug-os nga rehiyon kun sa diin 3,142 ang active cases.
Nadugangan man sang 84 ang numero sang mga nag-ayo nga pasyente kun sa diin nagsaka na sa 12,953 ang total recoveries samtang naglab-ot naman sa 385 ang total deaths matapos nga duha ang nagdugang sa listahan.
Sa 143 ka panibag-o nga kaso, 62 ang gikan sa Negros Occidental, 28 sa Capiz, 22 sa Iloilo, 19 sa Iloilo City kag 10 sa Bacolod City.
Sa subong, naglab-ot na sa 148 ang COVID-19 cases sa Aklan, 70 sa Antique, 830 sa Capiz, 170 sa Guimaras, 1,987 sa Iloilo, 4,552 sa Negros Ocidental, 4,771 sa Bacolod City kag 3,952 sa Iloilo City.
