ILOILO CITY – Kapin sa 20,000 ka bilog nga poste sang Panay Electric Company ang igalakip sa auction nga patigayunon sa Disyembre 12, 2019.
Lakip sa mga igabaligya amo ang wooden kag concrete nga poste lakip na ang pila ka makinarya nga ginapanag-iyahan sang nasambit nga kompaniya.
Santo sa listahan sang Iloilo City Government, naglab-ot sa 34 ka mga kompaniya ang magapakigbahin sa auction.
Nahibalu-an nga naglab-ot sa P90 million ang real property tax sang Panay Electric Company nga wala pa nabayaran rason nga ipa-auction ni Iloilo City Mayor Jerry Treñas ang pila ka propidad sang nasambit nga kompaniya.
Suno sa alkalde, kapin sa duha na ka tuig nga wala sang business permit ang kompaniya apang indi man mahimo nga ipasirado bangud nga madulaan sang supply sang kuryente ang syudad sang Iloilo.
