ILOILO CITY – Kapin sa P600,000 nga balor sang illegal drugs ang nakuha gikan sa duha ka durugista nga nadakpan sa buy bust operation sa Zone 3, Boulevard, Molo, Iloilo City.
Santo sa data gikan sa Regional Police Drug Enforcement Unit, ang subject sang buybust operation amo si Eliza May Malfarta, 25 anyos sang Zone 1-B, San Juan sa distrito sang Molo samtang ang iya kaupod naman amo si Distin Jay Garvilles, 36 anyos sang Summerview Subdivision sa distrito sang Mandurriao.
Duha ka sachet sang 5 grams kag isa ka sachet sang 50 grams nga suspected shabu ang nakuha sa mga aretsado.
Magluwas diri, nakuha man sa duha ka durugista ang mga cellphone kag iban pa nga paraphernalia.
