Patay ang isa ka punong barangay nga nagtambong sa birthday party sang ila alkalde matapos nga gintiro sang riding-in-tandem sa Brgy. Alauli, Masantol, Pampanga.
Ang biktima amo si Jinqui Quimbao, chairman sa Brgy. Balibago, Masantol.
Base sa imbestigasyon, nagapauli na ang biktima halin sa birthday party ni Masantol Mayor Danilo Guintu sang ginbanggaan ini sang mga armado nga lalaki nga may tabon sa nawong kag gintiro ini sa ulo.
Gindala pa ini sa ospital apang wala na natabangan.
Ginapatigayon na ang maid-id nga imbestigasyon agud matumod ang motibo sa krimen kag madakpan ang mga indibidwal nga nagpatay sa biktima.
