Nagakadapat nga may salabton ang kapitan sang Chinese vessel nga nagbunggo sa sakayang pandagat sang mga Pilipino nga manugpangisda sa Recto Bank.
Ini ang luyag nga matabo ni Jonel Insigne, ang kapitan sang Gem Vir-1.
Suno kay Insigne, nagalain ang iya buot sa kapitan sang barko sang China apisar nga nangayo na ang tag-iya sang pasaylo bangud kuntani wala sila ginpabay-an sa kalalawran nga nagalutaw-lutaw.
Pahayag ni Insigne, kaangay lamang sila nga kapitan kag kun ginmandoan lang niya kuntani ang iya mga tawo nga salbaron ang mga Pilipino, sigurado man nga patihon siya sang iya mga tinawo bangud kapitan siya sang barko.
Apang baliskad ang natabo sa diin ginpalagyuhan lamang sila sang Chinese vessel.
Nahibaluan nga 22 ka mga manugpangisda ang naglutaw-lutaw sa kalalawran bangud sa pagbunggo sang Chinese vessel sakayang pandagat sang mga Pilipino.
