Ginpahayag ni Punong Barangay Mary Jane Jecara sang Brgy. Tagbak, Jaro nga natural nga flood-prone area ang ila barangay, gani kada magmunog ang ulan amo man ang pagsaka sang tubig.
Sa interview sang Bombo Radyo, gin-acknowledge man sang kapitan nga may bulig man ang ginpatukod nga revetment project ukon bike lane, bangud wala sang alagyan sa una sa amo nga parte.
Apang base sa ila obserbasyon, nagnubo ang kapasidad sang creek, rason nga mas dasig na subong magbaha.
Ginkilala man sini nga bisan sang una pa, may pagbaha na sa Tagbak, pero subong nangin ”alarming” na ang kahimtangan.
Ginapanawagan niya sa DPWH nga matagaan sang talupangod ang posibilidad nga padakuon ang creek agud malimitahan ang pagbaha sa lugar
