Ginbawian sang kabuhi ang barangay kapitana sang Brgy. Licuroan, Midsalip, Zamboanga del Sur matapos nga gintiro sang mga armado nga mga lalaki.
Ang biktima amo si Brgy. Chairwoman Jodeliza Mansip nga nag-angkon sang mga igo sang bala sa nanuhay-tuhay nga parte sang lawas.
Maswerte naman nga wala naigo ang upod sini nga 18-anyos nga lalaki.
Sakay sa motorsiklo si Mansip upod ang 18-anyos nga lalaki apang nanaog ang opisyal bangud sa mabudlay nga dalan kag didto na nabatian ang sunod-sunod nga lupok kag natumba ang biktima.
Gindala pa ini sa ospital apang wala na natabangan pa.
Nagapadayon pa ang imbestigasyon sa nasambit nga krimen.
