Apisar sang mainit nga away nanday Mayoralty candidate Sally Lopez kag Incumbent Mayor Darwin Jonjon Bajada sa pagka-alkalde sa Banwa sang San Dionisio, Iloilo, wala pa sang may nabalhag ang San Dionisio Municipal Police Station (MPS) nga election-related incident.
Suno sa San Dionisio MPS, 100% na sila nga preparado kon sa diin, naka-augment na sa designated areas ang ila police personnel agud bantayan ang mga Automated Counting Machines (ACM).
Bangud ang banwa yara sa idalum sang yellow category, ginpasigurado sang talatapan nga pasangkaron ang pagbantay sa seguridad sang mga pumuluyo.
Sa piyak nga bahin, napang-distribute naman ang mga Automated Counting Machines (ACM) sa tagsa ka voting centers kag na-testingan na ang mga ini sang Mayo 7 kon sa diin, wala man sang mga problema.
Hatagan naman prayoridad ang mga PWD’s, Senior Citizens kag mga gabusong nga bayi, mahimo sila makaboto halin alas-5:00 sang aga tubtob alas-7:00 sang gab-i.
Nahibaluan nga ang banwa sang San Dionisio ang may yara sang 25 ka voting centers, 159 ka established precincts kag 44 naman ang clustered precincts.
May kabug-usan naman nga 26,603 ka mga botante ang banwa, kun sa diin, 13, 564 ang mga lalaki kag 13,039 naman ang mga babayi.
Text by: Bombo Volunteer Michael Roy Balajadia
