ILOILO CITY – Gindula sang kapulisan sa Western Visayas ang kahangawa sa posible pagsulod sang Maute rebels sa Western Visayas sa tunga sang kalakasan sa Mindanao.
Sa interview sang Bombo Radyo Iloilo, ginpahayag ni Police Regional Office 6 (PRO-6) spokesman Supt. Gilbert Gorero nga wala sang intelligence report sa posible pagpang-atake sang Maute sa Visayas.
Apang wala nagakumpiyansa ang mga otoridad suno kay Gorero.
Ginhenyo man sang opisyal sa publiko nga mangin responsable sa paggamit sang social media kag likawan ang pagpalapta sang sala nga impormasyon.
Sa karon suno kay Gorero, ila ginatutukan ang posible paglunsyar sang pagpang-atake sang New People’s Army rason nga padayon ang pagmonitor kag pagpatrolya sa mga nabukid nga bahin sang rehiyon.