ILOILO CITY – Blangko mangin ang Police Regional Office 6 (PRO-6) sa bag-o nga drug lord sa Western Visayas nga ginatumod ni PNP chief Police Director General Ronald dela Rosa.
Sa interview sang Bombo Radyo Iloilo, ginpahayag ni PRO-6 spokesman Supt. Gilbert Gorero nga nag-submit sila sang listahan sa Regional Oversight Committee sang pangalan nga yara sa drug watchlist sa Region 6.
Apang indi man masiguro sang PRO-6 kun nagikan sa nasambit nga listahan ang ginatumod ni Dela Rosa.
Posible man suno kay Gorero nga may iban pa nga source sang impormasyon ang PNP chief.
Ginpasiguro naman ni Gorero nga nagahimo na sang tikang ang kapulisan sa Western Visayas agud matumod ang nasambit nga personalidad.
Sa karon suno sa Police Regional Office 6, nagapabilin si Richard Prevendido bilang top drug personality sa Western Visayas.
Una na ginpahayag ni Dela Rosa nga ang bag-o nga drug lord sa Rehiyon 6 ang wala pa sa listahan ni Presidente Rodrigo Duterte.