ILOILO CITY – Ginakabig sang Karapatan-Panay nga isa ka aktu sang pagpahipos sa cause oriented groups ang natabo nga pagpahog sa organizer sang Katilingban sang Imol sa Syudad (KAISOG) nga si Wilfredo Panuela sang Brgy. Bitoon, Jaro, Iloilo City.
Sa interview sang Bombo Radyo kay Reyland Vergara, secretary general sang Karapatan-Panay, iya ginpahayag nga ang cause oriented groups ang ginakabig sang Duterte administration nga threat ukon pamahog sa gobyerno.
Ginpahayag man ni Vergara nga gina-angot sang Duterte administration sa New People’s Army (NPA) ang mga cause oriented groups.
Sa natabo kay Panuela, nagapati si Vergara nga Nagapati si Vergara nga naghalin sa intellignece unit sang Armed Forces of the Philippines (AFP) ang mga nagpakilala nga sanday Art Diaz, agent sang National Bureau of Investigation (NBI) kag Rey Gomes, agent sang Philippine Army.
