ILOILO CITY – Luyag gid sang Karapatan-Panay nga usisaon sang Iloilo City Police Office (ICPO) ang natabo nga pagpamahog sa organizer sang Katilingban sang Imol sa Syudad (KAISOG) sa Brgy. Bitoon, Jaro, Iloilo City.
Ini ang kasunod sang pagpakigsapol sang mga tiglawas sang Karapatan-Panay kay Iloilo City Police Office (ICPO) Director Police Col. Martin Defensor Jr.
Sa interview sang Bombo Radyo kay Reyland Vergara, secretary general sang Karapatan-Panay, iya ginpahayag nga ang KAISOG ang isa ka urban poor cause oriented group.
Suno kay Vergara, makabig nga harrassment sa mga cause oriented group ang natabo sa mag-asawa nga sanday Wilfredo kag Josephine Panuela.
Santo sa ila ihibalo, ginpahayag ni Vergara nga peke ang plaka sang motorsiklo nga gingamit sang nagpakilala nga sanday Art Diaz, agent sang National Bureau of Investigation (NBI) kag Rey Gomez, agent sang Philippine Army.
Nagapati man si Vergara nga himu-himu lang ang pangalan sang duha ka mga agent agud nga indi madali nga makilala.
Magluwas diri, nagapati man ang natungan nga wala man sang lisensya ang armas-luthang sang duha ka agent.
