TIGBAUAN, ILOILO – Indi upang ang kasablagan sa lawas sa pagpangita sang palangabuhian agud nga mapaayo ang pagpangabuhi.
Ini ang ginpamatud-an sang Kapisanan ng mga may Kapansanan sa Tigbauan, Iloilo nga nagapanghimo sang doormat ukon trapo.
Sa Good Morning Philippines program, ginpahayag ni Lilibeth Cajomocan, miyembro sang Kapisanan ng mga may Kapansanan sa banwa sang Tigbauan, nga indi buot silingon nga kun may sablag na sa lawas, wala na sang may mahimo agud nga mapaayo ang kabuhi.
Suno kay Cajomocan, isa sa nagahatag sang kusog sa Persons with Disability kasubong niya amo ang suporta sang pamilya kag sang Local Government Unit.
Ginpahayag ni Cajomocan nga umpisa sang 1992, may yara na sang grupo ang mga Persons with Disability sa banwa sang Tigbauan apang sang 2008 lang ini nangin pormal nga organisasyon.
Ila naisipan suno sa natungdan nga maghimo sang doormat gamit ang mga daan nga bayo kag sa bulig sang Local Government Unit, nangin maayo ang dalagan sang ila negosyo.
Ang ila kita sa paghimo sang doormat ang nakabulig sang daku sa ila nga pagpangabuhi.
