Wala nagapati ang mga kasilingan ni Alyas “Koykoy”, suspek sa pagpang hold-up sa asawa ni Retired PCol. Cornelio Salinas, nga nagluntad SM City Iloilo sa Mandurriao sang gintalikdan nga adlaw, nga maubra sang suspek ang nasambit nga butang.
Sa interview sang Bombo Radyo sa kasilingan sang suspek, iya ginpahayag nga mabuot kag wala man sang gamo si Alyas “Koykoy” sa ila mismo barangay. Rason ini nga dako ang ila pagka-tingala sang gindakop ini sang mga kapulisan bilang ginatudlo nga suspek sang nasambit nga pagpang hold-up.
Dugang pa sini, nga kun pinansyal lamang ang pagahambalan, wala man sang problema sa pamilya ni Alyas “Koykoy”, kay halos mga professional naman ang mga kauturan sini. Kag siya pa kuno ang assistant sang dentista sini nga utod.
Ang babayi nga nakit-an sa CCTV footage nga gin-angkas sini sa Solis St. ang posible nga iya asawa, kay naga-ubra man ang isa ka asawa sa mall malapit sa nasambitan nga lugar, kag basi gin-hapit niya ini pauli.
Reported by Bombo Lyka Sandiego, Via Bombo Reports 2nd Edition
