ILOILO – Ginahanda na sang Police Regional Office 6 ang mga dukomento agud nga mapasaka na ang kaso batok sa 5 ka identified New People’s Army member nga nag-ambush sa convoy sang 1st Iloilo Provincial Mobile Force Company sa Tubungan, Iloilo.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga sa subong, padayon pa ang imbestigasyon agud nga matumod ang identity kun sin-o ang utok sang ambush matapos ang deklarasyon sang ceasefire.
Suno kay Malong, ang 5 ka miyembro sang rebelde nga grupo ang una nga nakilala kag pasakaan sang kaso nga attempted murder kag direct assault.
Nahibalu-an nga sa subong, yara sa defensive mode ang Philippine National Police matapos ginpatuman ang Suspension of Offensive Police Operations bilang pagsunod sa ceasefire nga magatapos sa Enero 7, 2020.
