Napasaka na ang kaso batok sa driver sang salakyan nga nakabunggo-patay sa tatlo ka mga indibidwal sa Barangay Pungtod, Cabatuan, Iloilo.
Ang mga biktima amo sanday alias Alberta, 72, residente sang Barangay Tabucan, Cabatuan; alias Fely, 58, residente sang Barangay Ayaman, Cabatuan; kag si alias Heide, 59, residente sang banwa sang Lambunao.
Ang driver naman ang naga-edad sang 20-anyos nga halin sa Pavia kag pakadto sa Maasin.
Sa interview sang Bombo Radyo kay Police Lt. Veto Bastiero, Jr., Deputy Chief of Police sang Cabatuan Municipal Police Station, iya ginpahayag nga nahingagaw nga mapasaka ang isa ka kaso nga reckless imprudence resulting to homicide sa driver nga gin-file sang bata sang isa sa mga napatay.
Samtang ginahulat pa ang dugang nga mga papeles halin sa duha pa ka mga pamilya sang napatay agud mapasaka ang dugang nga kaso.
Test by: Bombo Hanna Andasa
