CABATUAN, ILOILO – Gin-dismis sang Provincial Prosecutors Office ang kaso nga ginpasaka batok kay Police Major Jess Baylon, hepe sang Malay Police Station, nga nakaluthang sa iya hinablos sa Brgy. Tinio-an, Cabatuan, Iloilo.
Sa interview sang Bombo Radyo kay Police Major Vito Bastiero, officer-in-charge sang Cabatuan Municipal Police Station, iya ginpahayag nga ang attempted homicide nga ginpasaka sang biktima nga si Dennis Baylen batok kay Baylon ang ginbasura bangud sa kakulang sang ebidensya.
Suno kay Bastiero, ang kaso nga direct assault, trespass to dwelling kag physical injury naman nga ginpasaka batok kay Baylen ang padayon sa gihapon.
Nahibalu-an nga sang nakaligad nga Martes, ginluthang ni Baylon ang hinablos sang iya tiayon bangud sa ginapahayag paghinubog kag pagpanghaboy sang bato.
Gilayon man nga nagsungka ang hepe sa Cabatuan Municipal Police Station matapos ang krimen.
