Ginklaro sang public law expert nga ang kaso nga crime against humanity nga ginapangatubang subong ni former President Rodrigo Duterte ang sakop sang International Criminal Court (ICC) santo sa Rome Statue treaty.
Sa interview sang Bombo Radyo kay Atty. Rodel Taton, Dean sang Graduate School of Law sang San Sebastian College-Recoletos, iya ginpahayag nga ang Rome Statute amo ang nagtukod nga kasugtanan sang International Criminal Court (ICC), nga gin-adoptar sang Hulyo 17, 1998, kag nagsugod sa pagpatuman sang Hulyo 1, 2002.
Ini ang nagatukod sang hurisdiksyon sang korte sa genocide, crimes against humanity, war crimes, kag crime of aggression.
Suno kay Taton, ang Pilipinas nangin myembro sini sang Nobyembre 1, 2011 tubtob nga nag-withdraw sang Marso 2019.
Gin-athag man sini nga ang katungdanan sang ICC sa isa ka pungsod amo ang pag-imbestigar kag pag-prosecute sa mga indibidwal nga gin-akusaran sang pinakamabug-at nga mga krimen nga may international concern.
Nahibaluan nga may 125 ka mga pungsod ang States Parties to the Rome Statute of the International Criminal Court. Sa kabug-usan, 33 diri ang mga African States, 19 ang Asia-Pacific States, 20 ang gikan sa Eastern Europe, 28 ang hali sa Latin American and Caribbean States, kag 25 ang gikan sa Western European kag other States.
