Ginbasura sang Office of the Ombudsman ang kaso nga administratibo nga ginpasaka ni former Iloilo City Councilor Plaridel Nava batok kay City Councilor Urminico “Nick” Baronda.
Ini ang kasunod sang pagtambong ni Baronda sa special session sang Disyembre 28, 2022 samtang nga yara ini sa luwas sang pungsod kag wala naka-file sang leave of absence kag wala sang authority to travel.
Ang akto ang nagalapas sa Memorandum Circular No. 35 sang Office of the President.
Sa interview sang Bombo Radyo kay Councilor Baronda, iya ginpahayag nga Marso 2023 sang nagpasaka sang kaso si Nava sa iya.
Pebrero 2024 sang gin-dismiss ang kaso Ombudsman sa Cebu kag gin-aprobahan sang Septyembre sang nagligad nga tuig.
Suno kay Baronda, nag-agi sa insakto nga proseso ang iya nangin byahe sang 2022 apang, ginpabilin sang city council nga himuon siya absent sa amo nga tion.
Gin-athag man sang natungdan nga naka-comply sila sa mga rekisitos nga ginahingyo sang Ombudsman nga nagapakita nga lunsay alegasyon lamang ang mga ginapanghaboy ni Nava.
Kon balikan, may gin-file nga leave of absence si Baronda nga napetsahan sang Disyembre 16, 2022 apang nabaton lamang sang opisina ni Vice Mayor Jeffrey Ganzon sang Enero 3 subong nga tuig gani, ang aprubado lamang nga leave sini ang nag-umpisa sa amo nga adlaw.
