ILOILO CITY – Ginbasura sang piskalya ang mga kaso mga ginpasaka sang Philippine Drug Enforcement Agency (PDEA) batok kay Atty. Marvin Lombo, abogado sang ginpatay nga drug lord nga si Melvin Odicta Sr.
Sa interview sang Bombo Radyo Iloilo, ginpahayag ni Atty. Lombo nga sadtong Lunes sang iya nabaton ang resolusyon sang Iloilo Prosecutor’s Office nga nagapahayag nga wala sang probable cause ang mga kaso nga obstruction of justice kag protektor sang illegal drugs nga ginpasaka batok sa iya.
Ginpanindugan naman ni Atty. Lombo nga wala ini sang kaangtanan sa illegal drugs kag gin-ubra lang ang trabaho sini bilang legal counsel sang mga Odicta.
Ang pagpasaka sang kaso kay Atty. Lombo ang nag-ugat sa pagkuwestyon sang abogado sa search warrant sang PDEA nga ginserbe sang gin-raid ang puluy-an sang mga Odicta sa Barangay Malipayon, City Proper sang nagligad nga tuig.
Mensahe pa ni Atty. Lombo sa PDEA nga wala sang personalan bangud ginahimo lang sini ang trabaho.