ILOILO CITY – Napasaka na sang Dumangas Municipal Police Station ang kaso nga murder batuk sa suspek nga nagtiro sa ka ex-convict nga gintiro sa talipapa sang Barangay Pulao, Dumangas, Iloilo.
Napatay ang biktima nga si Rey Togonon samtang nga ginabulong sa ospital.
Ang suspek naman ang ginkilala sa kay Vinilo Gustilo, 60 kag residente sang amo man nga barangay.
Sa interview sang Bombo Radyo kay Police Staff Sergeant Terrence John Soria, imbestigador sang Dumangas Municipal Police Station, iya ginpahayag nga ang motibo sang krimen amo ang pagtimalos.
Ginmartilyo sang una ni Togonon ang utod ni Gustilo tubtob nga napatay.
Napreso sang halos 17 ka tuig ang biktima kag nakagwa subong gid lamang nga tuig.
Kung madumduman, nagatindog si Togonon sa talipapa sang barangay sang gintiro ini ni Gustilo gamit ang ginapatihan nga .45 calibre nga armas.
Sa subong, preso na si Gustilo sa Dumangas Municipal Police Station.
