ILOILO CITY- Ginkumpirma sang Department of Health Region 6 nga may yara sang bag-o nga kaso sang Coronavirus Disease 2019 (COVID-19) sa Western Visayas.
Sa interview sang Bombo Radyo kay Dr. Maria Sofia Pulmones, pinuno sang Local Health Support Division sang Department of Health Region 6, iya ginpahayag nga santo sa DOH-6 Bulletin No.52, may yara sang 104 ka mga kaso sang COVID-19 sa Western Visayas, sa diin duha ka panibag-o nga kaso ang nagdugang.
Suno kay Pulmones, sa 104 ka mga kaso, 30 diri ang active cases, 64 ang recoveries, kag nagapabilin sa 10 ang patay.
Pahayag pa niya ang WV 103, amo ang 34 anyos nga lalaki nagikan sa banwa sang Alimodian,Iloilo, crew sang fishing vessel , kag may history of exposure sa WV102 nagikan sa Hinigaran Negros Occidental, crew man sang nasambit nga fishing vessel kag nagpositibo sa COVID-19.
Ang WV104, amo ang 37 anyos nga lalaki, gikan sa Arevalo, Iloilo City kag nakafacility quarantine.
Nakuhaan naman suno kay Pulmones sang swab sample ang mga kaupdanan sang pasyente, kag ginahulat nalang ang resulta, kag magapaidalom man ang mga ini sa 14 day mandatory quarantine.
Gin-athag man sang natungdan nga wala pa nakapanaog sa fishing vessel, ang iban pa nga mga crew.
