ARIZONA, USA- Padayun nga nagataas ang kaso sang Coronavirus dieases 2019 (COVID-19) sa Arizona USA lakip na ang pagtaas sang demand sang mga critical care nurses.
Suno kay Bombo International Correspondent Maria Jessica Melliza Gonzaga, Nurse Practioner sa Tucson Medical Center sa Arizona, iya ginpahayag nga sila subong sa Arizona ang may pinakamadamo nga kaso sang COVID-19 sa diin 3,038 ang nagpositibo sa virus subong nga adlaw.
Ginakulang na sila suno kay Gonzaga sang mga hospital beds para sa mga critical patients bangud kalabanan sa mga units sa ila hospital ang ginconvert na bilang covid units.
Ginpahayag ni Gonzag nga indi lang mga tigulang nga naga edad sang 65 anyos pataas ang mga infected sang virus bangud may yara na sang 20 anyos panubo nga mga pasyente.
Bangud sa kakulang sang pasilidad para sa mga non COVID-19 patients, ang ila ginahimo amo nga ginasaylo nalang ang mga ini sa hospital sa Las Vegas agud matatap kag mahatagan sang nakaigo nga pagbulong.
Sa subong suno sa natungdan, nagataas ang ila demand sa mga critical care nurses nga magahatag sang nagakaigo nga igtalupangod sa mga pasyente nga kritikal ang kondisyon
