AUSTRALIA – Nagpatuman sang 80% nga buwis ang China sa gina-import nga barley products samtang ginsuspende man ang pag-import sang karne sa Australia bangud sa pagpa-imbestiga sini sa China may kaangtanan sa Coronavirus Disease 2019 (COVID-19).
Sa interview sang Bombo Radyo kay Bombo International Correspondent Denmark Suede direkta sa Australia, isa ka nurse, iya ginpahayag nga tampa para sa Chinese Culture nga paga-imbestigahan sila kun diin naghalin ang nasambit nga virus.
Sa subong, may yara sang 7,060 ka mga kumpirmado nga kaso sang COVID-19 ang Australia sa diin 1,62,034 ka mga tests ang gin-conduct samtang 6,389 naman ang naka rekober.
Tatlo ka mga rason ang nakit-an ni Suede sa pagnubo sang mga kaso sang COVID-19 sa lugar.
Una diri amo ang early detection ukon ang pagpatigayon sang massive testing; Ika-duha amo ang hospital system sang Australia sa diin libre ang ospital sa mga citizen sang Australia kag ang Ika-tatlo, na swertehan lang ang pungsod.
Gina-obserba man sa Australia ang physical distancing kag sa pagkamatuod mahimo na nga mag dine-in sa mga restaurants apang 10 lamang ka tawo ang kapasidad.
Sa tion nga madakpan sang otoridad nga wala nagasunod ang mga tawo sa physical distancing, may multa nga baydan ang violator balor 1,000 AUD ukon P32,000.
