Nagtukod sang pila ka emergency outdoor tents ang duha ka mayor nga ospital sa Sydney, Australia.
Ini matapos naglumapaw sa 1,000 ang new cases sang COVID-19 sa nasambit nga pungsod — pinakataas nga numero nga narekord sa sulod sang isa lang ka-adlaw humalin sang nag-umpisa ang pandemya.
Suno kay Bombo International Correspondent Denmark Suede direkta sa Sydney, Australia, narekord ang 1,029 new locally acquired cases sa New South Wales (NSW) state, sang Huwebes, Agusto 26.
Ginalantaw nga ang manubo nga vaccination rate ang rason sang pagsaka sang kaso sang virus.
Pahayag niya, sa 116 ka frontliners nga assigned sa intensive care sa New South Wales , 102 pa diri indi vaccinated.
Bangud sini, ginatinguhaan subong sang federal government ang mas masangkad nga COVID-19 vaccination kag contact tracing agud matapna ang madasig nga paglapta sang COVID-19.
