Naglab-ot na sa masobra 3 million ang kaso sang COVID-19 sa India sa diin malapit 700,000 ang na rekord nga panibag-o nga infection.
Suno sa health ministry, 69,239 ang kaso nga nagdugang sa isa lang ka adlaw samtang 912 ang nagdugang man sa mga napatay nga may kabug-usan nga 56,706.
May mga ginapatuman na nga lockdowns sa Haryana kag Punjab bangud sa mataas nga kaso sang COVID-19.
Nahibaluan nga ang gobyerno sang India ang isa sa may pinakamahugot nga lockdowns nga ginpatuman sa bilog nga kalibutan sang Marso apang ini ang amat-amat na nga nagahalog makaligad ang pila ka mga semana.
Sa subong, yara sa gihapon sa ika-tatlo nga pungsod ang India sa bilog nga kalibutan nga may pinakamado nga kaso sang COVID-19.
