Kaso sang COVID-19 sa mga Pilipino sa luwas sang pungsod, padayon nga nagataas

Nadugangan na naman sang 59 ka mga Pilipino sa luwas sang pungsod ang natapikan sang Coronavirus Disease 2019 (COVID-19) sa diin kabug-usan nga 8,974 na ang kaso.

Nagdangat naman sa 633 ang mga napatay bangud sa virus matapos magdugang ang 15 ka mga Pilipino nga ginbawi-an sang kabuhi.

Samtang ang mga naka-recover naman sa balati-an ang naglabot na sa 5,321 matapos madugangan sang 10.

Suno sa ahensya, padayon sa gihapon ini nga maga-monitor sa status sang mga Pilipino sa luwas sang pungsod amo man sa pagbulig sa mga Overseas Filipino Workers nga makapauli sa Pilipinas.