Na dugangan sang 296 ka mga kaso sang Coronavirus Disease 2019 (COVID-19) ang Pilipinas.
Sa nasambit nga numero, 52 ang “fresh” ukon newly validated kag 242 late sa diin 38,805 na ang kaso pangkabug-usan.
Gin-anunsyar naman sang Department of Health (DOH) nga may yara na sang 10,673 ka mga naka recover sa balatian matapos naka record sang 235 ka mga pasyente nga nag-ayo na.
Samtang ang numero sang napatay ang yara na sa 1,274.
Sa nasambit nga fresh cases, 10 ang halin sa Metro Manila, 17 sa ang repatriates samtang ang 25 naman ang halin sa iban nga lugar.
Sa late cases, 50 ang halin sa Metro Manila, 28 ang repatriates kag 164 ang halin sa nagkalain-lain nga lugar sa Pilipinas.
Suno kay Health Undersecretary Maria Rosario Vergeire , wala sang may na record nga panibag-o nga kaso sang COVID-19 sa Region VII.
Samtang sa kaso sang COVID-19 sa kalibotan, naglab-ot na sa 10,923,284 samtang 521,483 ang patay kag 6,106,643 na ang naka -recover.
