ILOILO – Naga amat-amat na nga nagasaka ang kaso sang coronavirus disease 2019 sa Probinsya sang Iloilo.
Sa data sang Iloilo Provincial Health Office, nagdangat na sa 43 ang kaso sang coronavirus disease sang April 2 tubtob April 15 kun ipaangid sang March 19 tubtob April 1 nga may yara sang 23 nga cases sa probinsya.
Sa interview sang Bombo Radyo kay Dr. Ma. Socorro Quiñon, pinuno sang Iloilo Police Provincial Health Office, iya ginpahayag nga kinahanglan nga magbalik sa pag-gamit sang face mask kag maghugas sang kamot agud malikawan ang balatian.
Suno kay Quiñon, ini masami ang mas kinahanglan nga sundon sang mga tawo ilabi na sa mga may yara sang commorbidities, wala nabakunahan, kag mga tigulang.
Nagpanugyan naman ang natungdan nga kun mag-abot na ang na-procure nga mga vaccines, mahimo nga magbakuna agud indi na maglapta pa ang kagaw.
