ILOILO CITY – Nagapabilin sa gihapon sa 102 ang kabilugan nga kaso sang Coronavirus Disease 2019 (COVID-19) sa Western Visayas.
Suno kay Dr. Ma. Sophia S. Pulmones, pinuno sang Local Health Support Division sang Department of Health Western Visayas Center for Health Development base sa ginpagwa nila nga COVID-19 Case Bulletin No. 51 wala sang panibag-o nga kaso sang COVID-19 sa Western Visayas.
Dugang sang natungdan, isa man ka maayo nga balita ang pagdugang sang tatlo ka mga recoveries sa nasambit nga balatian.
Ini amo si WV 69, nga amo ang 27-anyos nga lalaki gikan sa City Proper, Iloilo City.
WV 85, nga amo ang 33 anyos nga lalaki kag WV 88 nga amo ang 46 anyos nga lalaki kag lunsay residente sang Arevalo, Iloilo City.
Kun pahat-pahaton, nagapabilin nga anum ang kaso sang COVID-19 sa Aklan, 14 sa Antique, lima sa Capiz, 19 sa probinsya sang Iloilo, tatlo sa Negros Occidental, siyam sa Bacolod City, 16 sa syudad sang Iloilo kag nagapabilin naman nga ‘COVID free’ ang probinsya sang Guimaras.
Santo man sa pahayag ni Pulmones, sa 74 ka lab results nga ginpagwa sang Department of Health Western Visayas Center for Health Development, 74 diri ang nag negatibo kag isa naman ang nag negatibo sa repeat test.
