ILOILO CITY – Naglab-ot na sa 1,036 ang kabug-usan nga numero sang Coronavirus Disease 2019 (COVID-19) sa Western Visayas.
As of July 25, 76 ka panibag-o nga kaso ang nagdugang sa listahan, naglab-ot naman sa 596 ang numero sang naka-recover matapos nga 26 ang nagdugang samtang nagapabilin sa gihapon sa 16 ang ginbawi-an sang kabuhi.
Sa 1,314 ka laboratory results nga ginpaguwa, 1,234 diri ang negatibo samtang 80 ang nagpositibo apang duha diri ang ginpaidalom sa repeat test.
Sa 78 ka positive cases, 2 diri ang nalakip sa kategorya nga Tagged to other regions rason nga 76 lang ang counted sa Western Visayas kun sa diin apat diri ang admitted sa hospital, tatlo ang naka-home quarantine samtang 69 ang naka-facility quarantine.
Sa pinaka-ulihi nga data, naglab-ot sa 6 ang COVID-19 cases sa Aklan, 15 sa Antique, 6 sa Capiz, 75 sa Iloilo Province, 38 sa Negros Occidental, 78 sa Bacolod City, 55 sa Iloilo City, 763 sa Repatriated/LSIs samtang 18 naman ang sa Tagged to other regions.
