ILOILO CITY – Nagsaka sa 2,792 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 72 new cases ang nagdugang sa listahan.
As of August 16, 1,327 ang nagnegatibo gikan sa 1,414 nga laboratory results kun sa diin 73 diri ang positibo kag makabig nga new cases samtang 14 ang nagpositibo sa repeat test.
Sa 73 ka panibag-o nga kaso, 2 diri ang Authorized Person Outside Residence, 4 ang Locally Stranded Individual, 3 ang Returning Overseas Filipino kag 64 ang Local.
Naglab-ot naman sa 1,516 ang total active cases kag nagsaka sa 1,238 ang numero sang naka-recover matapos nga 21 ang nagdugang samtang nagsaka sa 38 ang numero sang ginbawi-an sang kabuhi matapos nga duha ang nagdugang sa listahan.
Sa subong, ang Aklan ang may 9 ka COVID-19 cases, Antique nga may 23, Capiz nga may 14, Guimaras nga may 12, Iloilo Province nga may 242, Negros Occidental nga may 184, Bacolod City nga may 310, Iloilo City nga may 539, ROFs, LSIs kag APORs nga may 1,459 kag 34 ang nalakip sa Tagged to other regions.
