ILOILO CITY – Nagsaka sa 5,346 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 206 ang nagdugang sa listahan.
As of September 4, 214 gikan sa 1,781 ka laboratory results ang nagpositibo apang 206 lang ang makabig nga new cases.
Nagsaka naman sa 2,728 ang numero sang naka-recover matapos nga 68 ang nagdugang samtang 3 naman ang nagdugang sa casualty kun sa diin 86 na ang kabug-usan nga numero.
Sa 206 ka panibag-o nga kaso, 22 diri ang naghalin sa Iloilo, 85 sa Negros Occidental, 89 sa Bacolod City kag 10 sa Iloilo City.
Naglab-ot naman sa 2,532 ang total active COVID-19 cases sa rehiyon.
Sa pangkabug-usan, ang Aklan ang may 12 ka COVID-19 cases, Antique nga may 29, Capiz nga may 92, Guimaras nga may 48, Iloilo Province nga may 489, Negros Occidental nga may 649, Bacolod City nga may 1,261, Iloilo City nga may 1,142, ROFs, LSIs kag APORs nga may 1,642 kag 38 ang nalakip sa Tagged to other regions.
