ILOILO CITY – Naglab-ot sa 253 ka panibag-o nga kaso sang Coronavirus Disease 2019 (COVID-19) ang na record sa bug-os nga Western Visayas kun sa diin 6,884 na ang kabug-usan nga numero.
As of September 10, 263 gikan sa 1,620 ka laboratory results ang nagpositibo apang 10 diri ang nagpositibo sa repeat test.
Sa 253 ka panibag-o nga kaso, 2 ang gikan sa Aklan, 1 sa Antique, 20 sa Capiz, 1 sa Guimaras, 25 sa Iloilo, 53 sa Negros Occidental, 106 sa Bacolod City kag 45 sa Iloilo City.
Dugang nga 65 ka pasyente ang nag-ayo kun sa diin ang recoveries ang naglab-ot na sa 3,589 samtang 6 naman ang nagdugang sa numero sang mga ginbawi-an sang kabuhi kun sa diin ang casualty ang nagsaka na sa 101.
Sa subong, naglab-ot sa 3,194 ang total active cases sa bug-os nga rehiyon.
Sa pangkabug-usan, ang Aklan ang may 17 ka COVID-19 cases, Antique nga may 34, Capiz nga may 140, Guimaras nga may 52, Iloilo Province nga may 572, Negros Occidental nga may 1,028, Bacolod City nga may 2,035, Iloilo City nga may 1,324, ROFs, LSIs kag APORs nga may 1,682 kag 38 ang nalakip sa Tagged to other regions.
