ILOILO CITY – Naglab-ot sa 193 ka panibag-o nga kaso sang Coronavirus Disease 2019 (COVID-19) ang na record sa Western Visayas kun sa diin nagsaka na sa 7,336 ang kabug-usan nga numero.
As of September 12, 200 gikan sa 2,647 ka laboratory results ang nagpositibo apang pito diri ang ginpaidalom sa repeat test.
Sa 193 ka panibag-o nga kaso, 11 ang gikan sa Capiz, 2 sa Guimaras, 7 sa Iloilo, 17 sa Negros Occidental, 129 sa Bacolod City kag 27 sa Iloilo City.
Naglab-ot naman sa 359 ang nagdugang sa mga naka-recover kun sa diin nagsaka na sa 4,102 ang kabug-usan nga numero, 8 naman ang nagdugang sa casualty kun sa diin 117 na ang kabug-usan nga numero samtang naglab-ot naman sa 3,117 ang total active cases sa Rehiyon 6.
Sa subong, ang Aklan ang may 24 ka COVID-19 cases, Antique nga may 35, Capiz nga may 165, Guimaras nga may 57, Iloilo Province nga may 605, Negros Occidental nga may 1,112, Bacolod City nga may 2,248, Iloilo City nga may 1,398, ROFs, LSIs kag APORs nga may 1,692 kag 38 ang nalakip sa Tagged to other regions.
